Kütüm

Kütüm balığı nadir və dadlı hesab olunan balıq növlərindəndir. Azərbaycan, İran və Dağıstanda geniş yayılmışdır və olduqca yüksək qiymətləndirilir. Əsas yaşayış sahəsi Xəzər dənizi və onun cənub-qərb hissəsidir. Kütüm balığı çayların dayaz hissəsində, 25 metrə kimi dərinliklərində yaşayır. Xəzər, Qara və Azov dənizlərində daha geniş yayılmışdır. Volqada çayın su səviyyəsinin aşağı olması səbəbindən bu növün fərdlərinin sayı azalmışdır. Yumurtlamağa təxminən mart və aprel aylarının ortalarından başlayır. İlk 2 il çaylarda yaşadıqdan sonra dənizlərə köç edir. Bu balıq növünün maksimum yaşı 11 ildir. Dişi növləri erkək növlərindən daha böyükdür. İndiyə qədər tutulan ən böyük kütüm 6 kg ağırlığında olmuşdur. Bu balıqların əsl dişləri yoxdur və yeməyi faringeal dişlərlə əzirlər. Təzə və soyuq hisə verilmiş halda istifadə olunur.