Levrek

Levrek soyuq və ya isti dənizlərdə yaşayan bir balıq növüdür. Dəriləri böyük pulcuqlarla örtülmüşdür. Bel hissəsi qurğuşun rəngli, qarnı isə daha açıq gümüşü rəngdədir. Üzərlərində kiçik qara ləkələr olduğu üçün bəzən onları alabalıqla səhv salırlar. Lervreklərin uzunluğu ümumiyyətlə 40 ilə 100 sm arasındadır. Orta çəkisi olduqca dəyişkəndir, 300 qramdan 30 kiloqrama qədər olan növlərini görmək mümkündür. Onların çəkisi növlərə və yaşadıqları suya görə dəyişə bilər. Bişirilməsi asan, dadı çox ləzzətli və hər fəsildə tapıla biləcəyi üçün ən çox seçilən balıq növlərindən biridir. Qril, tavada qızartmaq, sobada buxarlandırmaq, bol yağda bişirmək kimi bir çox fərqli üsulla bişirmək mümkündür. Levreki bişirməyin ən faydalı yolu buxarlandırmaqdır, həm sağlamlıq, həm də dad baxımından buxarlanaraq hazır edilməsi tövsiyə olunur. Bol miqdarda protein ehtiva edən levrek insanların ehtiyac duyduğu zülalın əksəriyyətini qarşılayır. Orta ölçülü növündə 24 qrama qədər protein olur.